Oralda toǵyz aılyq sábı eskalatordan qulap ketti

ORAL. QazAqparat – Oralda toǵyz aılyq qyz eskalatordan qulap ketti, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, oqıǵa 13 naýryz kúni «Jeńis» shaǵynaýdany 3-úıde ornalasqan «Azııa Moll» saýda oıyn-saýyq ortalyǵynda boldy.

Eskalatorda birinshi jáne ekinshi qabattyń arasynda ketip bara jatqan kezde 1987 jylǵy anasynyń qolynan kishkentaı qyz qulap ketken.

Shamamen saǵat 14.23-te 9 aılyq qyz qalalyq kópbeıindi aýrýhanaǵa jetkizildi.

Atalǵan derek Oral qalasy polıtsııa basqarmasynda tirkelip, tekseris júrgizilýde.

BQO densaýlyq saqtaý basqarmasynyń baspasóz qyzmeti naqtylaǵanyndaı, qyzdyń jaǵdaıy óte aýyr. Qazir jansaqtaý bóliminde.