Oralda toǵyz avtokólikti aıdap ketken turǵyn ustaldy
ORAL. QazAqparat – Oralda toǵyz avtokólikti aıdap ketken turǵyn ustaldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, sońǵy kezde shahardaǵy Shaǵan polıtsııa bólimine avtokólikterin áldekimniń aıdap ketkeni jóninde turǵyndardan túsken aryz kóbeıip ketken.
Jedel izdestirý sharalary barysynda Krýgloozernyı kentiniń 1994 jylǵy turǵyny ustaldy. Ol jaýap alý kezinde Oral qalasy men Zachagan kentinen toǵyz birdeı avtokólikti urlaǵanyn aıtyp, moıyndady.
Shaǵan polıtsııa bóliminiń bastyǵy, polıtsııa podpolkovnıgi Tımýr Aıtýǵanovtyń aıtýynsha, kúdikti avtokólikterdi túngi ýaqytta saǵat 23.00-den keıin aıdap ketip otyrǵan. Ol avtokólikterdiń terezesin syndyryp, sosyn janar-jaǵar maıy taýsylǵansha aıdap, keıin kelesi mashınaǵa aýysýǵa deıin barǵan. Osylaısha «qyzyq» izdegen ol bir túnde eki avtokólik aıdap ketken.
Kólikter tabylyp, ıelerine qaıtaryldy.
Qazirgi kezde QR QK 200-babyna sáıkes sotqa deıingi tergeý amaldary júrgizilýde.
