Oralda toǵaı aýmaǵyndaǵy órt 70 gektardy qamtydy
BQO TJ departamentiniń baspasóz qyzmetinen málim etkenindeı, sonyń ishinde 55 gektary qurǵaq shóp bolsa, 15 gektary – orman ekpeleri.
«Jergilikti atqarýshy organdar, Qazaqstan TJM bólimsheleri jáne «Orman jáne janýarlar dúnıesin qorǵaý» memlekettik mekemesiniń birlesken jedel is-qımyldary nátıjesinde órt 20 sáýir kúni saǵat 20.36-da oqshaýlandy. Eldi mekenderge qaýip joq, qazirgi ýaqytta jekelegen janý oshaqtaryna sý tógý jumystary júrgizilýde. Jergilikti atqarýshy organdar órt sóndirýshilerge ystyq tamaq uıymdastyrdy. «Tilsiz jaýdy» aýyzdyqtaýǵa barlyǵy 158 adam, 34 tehnıka jumyldyryldy. BQO TJD daǵdarys ortalyǵynda jedel shtab jumys jasap jatyr», dep habarlady vedomstvodan.
Eske sala keteıik, budan buryn Oral qalasynda qurǵaq shóptiń órtenýine baılanysty jedel shtab qurylǵanyn jazǵan bolatynbyz.
