Oralda tize býyndarynyń aýrýy boıynsha on ota jasaldy
ORAL. 18 mamyr. QazAqparat - 14-18 mamyr kúnderi Batys Qazaqstan oblystyq aýrýhanasynda reseılik dárigerlerdiń kómegimen tize býyndarynyń aýrýy boıynsha 10 ota jasaldy.
Bul týraly «Tize býyndaryn endoprotezdeý» taqyrybynda ótken baspasóz brıfınginde dáriger-travmatolog Serik Qarekenov málimdedi.
S.Qarekenovtiń aıtýynsha, mundaı em-dom sharalary óńirde eki jyl buryn qolǵa alynǵan. Statıstıkalyq málimetke qaraǵanda, 2010 jyldan beri 45 endroprotezdeý sharasy júzege asqan. Bul ota túri óte kúrdeli ári psıhologııalyq jaǵynan daıyndalýdy qajet etedi. Kórshi Reseıde atalǵan operatsııalyq emdeý 1978 jyldan júrgizilip keledi. Batys Qazaqstan oblysyndaǵy tize býyndaryn emdeý isine Reseıdiń Krasnodar oblystyq aýrýhanasynyń dárigeri, professor Oleg Sabodashevskıı arnaıy kelip, óz tájirıbesin jergilikti mamandarmen bólisýde.
