Oralda «Til - tutastyq týy» atty festıval ótti
BQO tilderdi damytý basqarmasy men «Eýrazııa áleýmettik-gýmanıtarlyq zertteý ortalyǵy» qoǵamdyq birlestigi uıymdastyrǵan merekelik sharaǵa qatysýshylardy Batys Qazaqstan oblysynyń ákimi Altaı Kólginov quttyqtady.
«Dástúrli til festıvali aıasynda bıyldyń ózinde onnan astam sharalar uıymdastyrylyp, oǵan til janashyrlary belsene atsalysty. Elimiz táýelsizdik alǵannan keıin Qazaqstandy búkil álem tanydy. Osynyń bári - birliktiń, eńbektiń, Elbasymyz júrgizip otyrǵan saıasattyń, san ult ókilderi arasyndaǵy kelisim men tatýlyqtyń arqasy. Elimizde ár ult ókilderi óz ana tilin bilip, salt-dástúrin damytýǵa múmkindik aldy. Sonyń ishinde, árıne, temirqazyq ispettes memlekettik tildiń orny bólek. Memleket basshysy Nursultan Ábishuly Nazarbaevtyń atap ótkenindeı, «Kez kelgen memlekettiń ózegi - onyń biregeı memlekettik tili».
Endeshe, «Ózge tildiń bárin bil, óz tilińdi qurmette...» dep Qadyr aqynnyń aıtqanyndaı, sol tilimizdi saqtaý, joǵaltyp almaý óz qolymyzda. Qazirgideı jahandaný dáýirinde ómir súrip jatqandyqtan, biz de shekarasy ashyq, erkin memleketpiz. Osydan jıyrma bes jyl buryn el qandaı edi, qazir qandaımyz. Árıne, aıyrmashylyq jer men kókteı. Endigi maqsat-mindetimiz de osy tabystarymyzdy baıandy etip, Máńgilik el bolý jolynda úlken-kishimiz birdeı qaırat qylý bolsa kerek», dedi ákim.
Festıval barysynda til janashyrlary QR Mádenıet jáne sport mınıstrliginiń Qurmet gramotasymen, sondaı-aq oblys ákiminiń Alǵys hattarymen marapattaldy.
