Oralda tergeýshige qatysty qylmystyq is qozǵaldy
ORAL. QazAqparat - BQO prokýratýrasynyń arnaıy prokýrorlar basqarmasy Oral qalalyq ishki ister basqarmasy tergeý bóliminiń tergeýshisine qatysty QR QK 307-baby 2-bóligi boıynsha qylmystyq is qozǵady.
Oblys prokýratýrasynyń baspasóz qyzmetinen túsken málimetke qaraǵanda, tergeýshi óz óndirisindegi qylmystyq is boıynsha memleket paıdasyna tárkileýge jatqyzylǵan aıyptalýshynyń jyljymaıtyn múligin zańsyz ıelik etýdi uıymdastyrǵan. Sonyń saldarynan sot úkiminiń múlikti tárkileý men ony memleket menshigine ótkizýge qatysty bóligin oryndaý múmkin bolmaǵan.
Qylmystyq is oblys prokýratýrasynyń baqylaýyna alynyp, tergeý amaldary júrgizilýde.
