Oralda teplohodtyń býksıri órtendi
ORAL. QazAqparat - Búgin Oralda teplohodta órt boldy, dep habarlaıdy QazAqparat tilshisi.
BQO TJ departamentiniń baspasóz qyzmetinen alynǵan málimetke qaraǵanda, Chapaev zatonyndaǵy «Keme jóndeý zaýyty» JShS aýdanynda «SELENGA» teplohodynyń býksır-ıtergish bóligi janyp jatqany jóninde saǵat 09.30-da habar túsken.
Barlyǵy 70 sharshy metrdi qamtyǵan órttiń saǵat 09.57-de beti qaıtyp, 10.37-de tolyqtaı sóndirilgen. Zardap shekkender joq.
Aldyn ala málimet boıynsha, dánekerleý jumystary kezinde órt qaýipsizdigi erejesin saqtamaýdan shyqqan.
Oqıǵa ornyna departamentten 11 qyzmetker 3 tehnıkamen, sondaı-aq kezekshi jedel tergeý tobynyń 4 qyzmetkeri 1 tehnıkamen bardy.
