01:27, 02 Mamyr 2024 | GMT +6
Oralda temirjol vokzaly mańyndaǵy dámhana órtendi
ORAL. KAZINFORM – Oral qalasynda temirjol vokzaly mańyndaǵy demhanadan órt shyqty.
BQO TJ departamentiniń baspasóz qyzmetinen málim etkenindeı, oqıǵa 1 mamyr kúni saǵat 20.04-te Qurmanǵazy kóshesi 179/1-mekenjaıynda boldy.
«20 sharshy metr aýmaqta mangal úı-jaıy otqa orandy. Dámhananyń 23 qyzmetkeri men 23 kelýshi ózdiginen oqıǵa ornynan shyqqan. Zardap shekkender joq. Órt saǵat 20.27-de oqshaýlanyp, 20.31-de tolyqtaı sóndirildi. Oqıǵa ornynda TJ departamentiniń jeke quramynan 28 adam 11 tehnıkamen jumys istedi. Qazirgi kezde órttiń shyǵý sebebi, keltirilgen shyǵyn anyqtalý ústinde», - dep habarlady vedomstvodan.
Eske sala keteıik, budan buryn Oralda toǵyz qabatty úıden órt shyǵyp, 53 adam evakýatsııalanǵanyn jazǵan bolatynbyz.
