Oralda temir konteıner janyp, gaz ballondary jaryldy
ORAL. QazAqparat - Búgin Oralda temir konteıner janyp, gaz ballondary jaryldy, dep habarlaıdy QazAqparat tilshisi.
BQO TJ departamentiniń baspasóz hatshysy Nurgúl Muqanovanyń aıtýynsha, oblystyq aýrýhana mańyndaǵy ıAıkskaıa kóshesi 16-úıdiń aýlasynda temir konteınerdiń janyp jatqany jóninde habar 17.35-te túsken.
Sonyń saldarynan 5 gaz ballony jarylyp, 17-sin oqıǵa ornyna jetken TJ qyzmetkerleri alyp úlgergen.
Órt saǵat 17-44-te sóndirilgen. Oǵan 6 tehnıka men jeke quramnan 22 adam jumyldyryldy.
Zardap shekkender joq.
Aıta keteıik, jyl basynan beri óńirde 211 órt tirkelip, sonyń saldarynan 10 adam zardap shegip, ekeýi qaza tapty.
