Oralda telefondy qýattandyryp otyrǵan jasóspirimdi toq soqty
ASTANA. QazAqparat - Mobıldi telefonyn qýattandyryp jatqan Oraldyń 15 jastaǵy turǵynyn toq soqty, dep habarlady «Moı GOROD» portaly.
Telefonyn qýattandyryp otyrǵan jasóspirim ony qolyna ustap uıyqtap ketken. Er balanyń alaqanyn elektr toǵy soqqan. Toq júrek tusyndaǵy kókirek qýysynan shyqqan.
Balalar kóp beıindi aýrýhanasynyń dáriger-kombýstıologi Gúlnár Elıaeva mundaı jaǵdaı qalada alǵash ret oryn alǵanyn habarlady.
«Er bala aýrýhanaǵa alaqany qatty kúıip 17 naýryzda túsken. Kúıik 2-3%-dy qurady. Búginde onyń jaǵdaıy qalypty. Aýrýhanadan shyqty», - dedi dáriger.
Dáriger qýat kózine qosylǵan telefondy janyna qoıyp jatýǵa bolmaıtynyn eskertedi.
