Oralda tehnık jazasyn óteýshiniń aıaǵyna protez qondyryp berdi
BQO boıynsha qylmystyq-atqarý júıesi departamentiniń baspasóz hatshysy Aıymgúl Nurjanovanyń málim etkenindeı, jazasyn óteýshige protez memlekettik tapsyryspen ornatyldy.
Oral qalasyndaǵy múmkindigi shekteýli adamdarǵa arnalǵan «Salıýt-Orta» protez-ortopedııalyq ortalyǵynda mundaı apparatty birinshi ret shyǵardy.
«Atalǵan kásiporynda protezdiń eń basty bóligi –kýlteprıemdy gılzany shyǵarady. Adamnyń otyryp-júrýi, protezdiń jaılyǵy soǵan baılanysty. Qazirgi kezde kásiporyn jeke ólshem boıynsha kez kelgen eksklıýzıvti ortopedııalyq aıaqkimdi daıyndaı alady», dedi A.Nurjanova.
Onyń aıtýynsha, mundaı erekshe protezdi ornatý úshin Reseıdiń Baıkalynan tehnık-protezshi Maksım Vaýlın arnaıy keldi. Ol protez qondyrǵannan keıin jazasyn óteýshige sportpen aınalysyp, tipti fýtbol oınaýǵa bolatynyn jetkizdi.
«Sottalǵanǵa deıin jol apatynan keıin aıaǵymdy kesken edi.
Men osy ýaqytqa deıin baldaqpen júrdim. Búginnen bastap óz aıaǵymmen júre bastadym», dedi jazasyn óteýshi.
Er adam jańadan tolyqqandy ómir syılaǵany úshin kolonııa qyzmetkerleri men «Salıýt-Orta» ortalyǵyna rızashylyǵyn bildirdi.