Oralda tasqynnan japa shekkenderge arnalǵan úıler qalaı salynyp jatyr
ORAL. KAZINFORM — Oral qalasynda baspanasy sýǵa ketip, jaramsyz dep tanylǵan saıajaı turǵyndaryna arnalyp salynyp jatqan jeke turǵyn úılerdi 1 qyrkúıekke deıin bitirý kózdelip otyr.
Oral qalasy ákiminiń orynbasary Azamat Halelovtiń málim etkenindeı, shahar boıynsha barlyǵy 374 úı boı kóterýde.
Atap aıtqanda, «Juldyz» shaǵynaýdanynda — 191, Derkól kentinde — 101, Zachaganda 82 úı salynyp jatyr.
«Bıyl sý tasqyny zardabyna baılanysty qala boıynsha 10 myńnan astam turǵynnan ótinim kelip túsken bolatyn. Sonyń ishinde 2 600 saıajaı turǵynynyń úıi jalǵyz baspana dep tanyldy. Memleket basshysynyń tapsyrmasyna sáıkes iri kompanııalar men bankterdiń esebinen páterlerdi satyp alyp berý jáne turǵyn úılerdi jańadan salý jumystary júrgizilýde. Kúni búginge deıin 1 300-ge jýyq turǵynǵa páterler satyp alynyp berildi», deıdi Azamat Erǵalıuly.
Onyń aıtýynsha, qalanyń úsh aýdanynda salynyp jatqan turǵyn úıler qurylysy 60-70 paıyzǵa atqaryldy. Munyń bárin 1 qyrkúıekke deıin bitirý josparlanýda.
«Úılerdi salyp jatqan merdigerlerdiń bári de — jergilikti kompanııalar. Olar qurylys materıaldarynyń basym kópshiligin jergilikti jerden alýda. Qurylysqa 1 myńǵa jýyq jumysshy, 200-deı tehnıka jumyldyrylǵan. Oǵan qosa ınjenerlik jeliler tartylyp, jańa baspanalar elektr jaryǵy, sý, gazben qamtylady. Aýyr tehnıkalardyń jumysy bitkennen keıin kóshelerge uzyndyǵy 10 shaqyrymdaı asfalt jol tóseledi», deıdi A.Halelov.
Qala ákimi orynbasarynyń sózine qaraǵanda, jeke turǵyn úılerge negizinen kóp balaly otbasylar, múmkindigi shekteýli turǵyndar ornalasatyn bolady.
Baspananyń báriniń jobasy birdeı — aýdany 80 sharshy metr.
Jańa qonystarǵa mektep, balabaqsha sııaqty áleýmettik nysandar qanshalyqty jaqyn ekendigi de mańyzdy.
«Juldyz» shaǵynaýdanynda «Jaıly mektep» jobasy aıasynda 1 200 oryndyq jańa mektep salynatyn bolady. Osy mańda jeke balabaqsha boı kóterýde. Qazirgi kezde qalada Zachaganda «Zachaganskıı» baý-baqsha seriktestiginde turatyn oqýshylar úshin medkolledj aýdanynda, sondaı-aq «Balaýsa» shaǵynaýdanynda jáne Derkólde úsh mektep qurylysy júrip jatyr. Bolashaqta qalanyń túrli aýdandarynda taǵy da 6 mektep turǵyzylady», dedi A.Halelov.
Taǵy bir atap óter jaıt, merdigerler turǵyn úıler sapasyna eki jyl merzimge kepildik beredi. Aqaý bolǵan jaǵdaıda jóndep berýge mindetti.
Merdigerlerdiń biri, «Energoremservıs» JShS dırektory Asqar Lıkerov ózderi salyp jatqan 24 úıdi merziminde bitiretinderin jetkizdi.
«Qurylysqa 150-deı jumysshy, 10 tehnıka tartylǵan. Qazirgi kezde sylaý jumystary da júrgizilip jatyr. Qurylysshylar tańǵy saǵat 6-da kelip, keshke deıin jumys isteıdi. Qaýipsizdik tehnıkasy da saqtalady. Qurylys merzimi qysqa bolǵandyqtan, materıaldardyń deni jergilikti jerden alynýda. Kompanııa keramzıt blokty óndiretindikten, keıbir ónimder ózimizdiki. Qurylysshylar 300 myń teńgedeı jalaqy alady. Kesimdi eńbekaqy da tólenedi», A.Lıkerov.
«Juldyz» shaǵynaýdanynda jańa baspananyń sýǵa ketýi múmkin be? degen saýalǵa kompanııa dırektory bul máseleniń de eskerilgenin jetkizdi.
«Shaǵan ózeni jaqyn bolǵanymen, bul aýdandy sý baspaıdy. Oǵan qosa úıdiń irgesi jerden bıikteý etip turǵyzylýda. 5 sotyq aýlasy bar úılerdiń bolashaq ıeleri qurylys barysyn kórip ketýde. Olar da jańa baspanasy bolatynyna qýanyshty», dedi A.Lıkerov.
Eske sala keteıik, budan buryn Oral qalasynda úıleri sýǵa ketken 80 otbasy baspanaly bolǵanyn jazǵan edik.
