Oralda tártip saqshylaryna 60 avtokólik kilti tabys etildi
ORAL. QazAqparat - Búgin Batys Qazaqstan oblysynyń ákimi Altaı Kólginov Táýelsizdiktiń 25 jyldyǵyna oraı batysqazaqstandyq tártip saqshylaryna alpys «VAZ 21214» avtokóliginiń kiltin tabys etti, dep habarlaıdy QazAqparat tilshisi.
Saltanatty jıynda óńir basshysynyń atap ótkenindeı, Elbasy Nursultan Ábishuly Nazarbaev ishki ister organdarynyń materıaldyq-tehnıkalyq jaǵynan qamtylýyna erekshe kóńil bólip keledi. Osy oraıda el tynyshtyǵyn, azamattardyń quqyǵyn qorǵap, qylmys ataýlynyń aldyn alýda tártip saqshylaryna úlken jaýapkershilik júkteledi. Sondyqtan jergilikti atqarýshy bılik polıtsııany barlyq qajettimen qamtýdy udaıy nazardan tys qaldyrmaı, bıýdjetten jyl saıyn qarjy bólinedi. Bul joly 50 avtokólik aýdandyq ishki ister bólimderine berilse, 10-y oblys ortalyǵynda qoǵamdyq tártipti saqtaýǵa qyzmet etetin bolady.
Shara barysynda ozat tártip saqshylary oblys ákiminiń alǵyshattarymen marapattalyp, jeke quramnyń saltanatty sherýimen aıaqtaldy.
