Oralda tártip saqshylary bes jasar balany qutqaryp qaldy
ORAL. QazAqparat - Oralda tártip saqshylary bes jasar balany qutqaryp qaldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa Dostyq dańǵyly boıyndaǵy №244 úıde oryn aldy.
Sol úıdiń aýlasynda eki adamnyń tóbelesip jatqany jóninde habar túskennen keıin polıtsııa kapıtany Muhıt Ábilhaıyrov pen polıtsııa leıtenanty Jandos Qubaev oqıǵa ornyna shuǵyl jetedi.
Aýlada eshkim bolmaǵanmen, aıqaı estilip jatqan páterge júgirip barǵan tártip saqshylary er adamnyń bes jasar balanyń tamaǵyna pyshaq taqap, onyń anasyn shaqyrýdy talap etip turǵanyn kóredi. Polıtseıler er adamdy sózben alańdatyp, kelisimge kelýge tyrysady. Aqyry olar balany bosatyp, er adamdy tutqyndaıdy.
Jıyrma bes jasar kúdikti balanyń anasymen birge, azamattyq nekede turatyn adam bolyp shyqty. Qazirgi kezde QR QK 115-babyna (qorqytý) sáıkes tergeý amaldary júrgizilýde.
Balanyń anasy men atasy polıtsııa departamentiniń bastyǵy, general-maıor Maqsuthan Ablazımovtyń atyna tártip saqshylarynyń osynaý is-áreketine qatysty alǵysyn bildirdi. Atalǵan polıtseıler aqshalaı syılyqpen yntalandyryldy.
Aıta keteıik, Muhıt Ábilhaıyrov buǵan deıin de adamdardy qutqaryp qalǵan. 2015 jyly 1 mamyrda túnde quramynda M.Ábilhaıyrov bar top «Nan zaýyty» aýdanynda páterde tútinnen tunshyqqan er adamdy aman alyp qaldy. Onda polıtseıler er adamdy ekinshi qabattyń balkonynan odeıalomen túsirip, jedel járdemge tapsyrdy. Sondaı-aq 2016 jyly 4 naýryzda Muhıt serigimen birge úshinshi qabattyń balkonynan sekirgisi kelgen qyzdy qutqardy.
