Oralda Tarazdan kelgen alaıaqtar ustaldy
ORAL. QazAqparat – Oralda Tarazdan kelgen alaıaqtar ustaldy, dep habarlaıdy QazAqparat tilshisi.
Oral qalasy polıtsııa basqarmasynyń baspasóz qyzmetinen túsken málimetke qaraǵanda, olardyń birneshe adamdy aldap ketkeni jóninde turǵyndardan 19 shilde kúni aryz túsken.
Kelesi kúni jaldamaly páterden 36 jasar er adam, 35 jasar áıel jáne 23 jasar qyz qolǵa tústi. Úsheýi de – syǵandar.
Olar páter aralap, bal satyp alýdy usynǵan. Sosyn negizinen jasy ulǵaıǵan, jalǵyzilikti jáne sengish adamdardy baıqap, bal ashyp, dýa qaıtaratynyn aıtqan. Olardyń barlyq altyn buıymdaryn gazetke orap salyp, tek uzaq ýaqyttan keıin ashýdy ótingen. Oramany ashqan kezde altyn buıymdar joq bolǵan.
Mysaly, Zachagan kentinde 1978 jylǵy azamatshanyń altyn buıymdaryn sypyryp alyp, oǵan 1,255 mln teńge zalal keltirgen.
Aldanǵandar sany budan kóp bolýy da múmkin.
Áıelderdiń biri dál osyndaı qylmysy úshin budan buryn da isti bolǵany anyqtaldy.
Kúdiktilerden aıǵaq zattar tárkilendi. Altyn buıymdar ıesine qaıtarylady.
Qazirgi kezde QR QK 188-baby (urlyq) jáne 190-baby (alaıaqtyq) boıynsha qylmystyq ister qozǵalyp, tergeý amaldary júrgizilýde.
