Oralda tapanshamen júrgen er adam ustaldy
ORAL. QazAqparat – Oralda qala kóshesinde tapanshamen júrgen er adam ustaldy, dep habarlaıdy QazAqparat tilshisi.
QR Ulttyq ulany «Batys» óńirlik qolbasshylyǵy baspasóz qyzmetiniń jetekshisi, podpolkovnık Erbolat Sultanovtyń málim etkenindeı, 5517-áskerı bóliminiń quramynda qatardaǵy jaýyngerler Sanjar Toqtoev (top basshysy, Álmuhamed Qabataev jáne Gennadıı Chernıaevskıı bar jasaǵy N.Nazarbaev dańǵyly boıynda kúdik týǵyzǵan eýropalyq násildes turǵyndy baıqady.
Kúdikti tártip saqshylaryn kórip, sytylyp ketýge tyrysqanymen, qolǵa tústi.
Kýágerlerdiń qatysýymen qaraǵan kezde er adamnyń kaltasynan pnevmatıkalyq tapansha tabyldy. Odan ári tergeý úshin ol polıtsııa bólimine jetkizildi.
Qyraǵylyǵy men kásibı is-qımyldary úshin atalǵan jaýyngerler 5517-áskerı bólim komandıri tarapynan marapattaldy.
