Oralda tanysyn pyshaqtap óltirgen áıel 11 jylǵa sottaldy
ORAL. QazAqparat - Búgin Batyq Qazaqstan oblystyq qylmystyq ister jónindegi mamandandyrylǵan aýdanaralyq soty tanysyn pyshaqtap óltirgen áıelge úkim shyǵardy, dep habarlaıdy QazAqparat tilshisi.
Asylzada Merǵalıeva QR QK 99-baby 2-bóligine sáıkes aıypty dep tanylyp, oǵan 11 jylǵa bas bostandyǵynan aıyrý jazasyn qaýipsizdigi ortasha qylmystyq-atqarý júıesi mekemesinde óteý belgilendi.
Atalmysh sottan túsken málimetke qaraǵanda, 25 shilde kúni A.Merǵalıeva Oral qalasy Jambyl kóshesi, 217, 1-páterdegi óz úıinde tanystary A.Qutymbaev jáne A.Ábilhatınamen araq ishken.
Saǵat shamamen 16.00-de dúkennen oralǵan A.Merǵalıeva A.Ábilhatınanyń jýyný bólmesinde jýynyp jatqanyn kóredi. Bul mezgilde A.Qutymbaev basqa bólmede uıyqtap jatqan. A.Merǵalıeva A.Ábilhatınaǵa óziniń úıinde qojaıyndyq qurmaý kerektigin aıtady. Tanysy muny balaǵattaı bastaıdy. Oǵan jaýap retinde Merǵalıeva sóreden pyshaq alyp, Ábilhatınanyń arqa tusyna suǵady. Sonyń saldarynan Ábilhatına oqıǵa ornynda kóz jumǵan.
Sot úkimi zańdy kúshine engen joq.
