Oralda tanysyn óltirgen turǵyn polıtsııaǵa ózi keldi
QazAqparat budan buryn jazǵanyndaı, 26 qańtar kúni Oralda turǵyn úıdiń aýlasynan er adamnyń denesi tabylǵan bolatyn.
BQO polıtsııa departamentiniń baspasóz qyzmetinen málim etkenindeı, marqumdy óltirgen kúdikti belgili boldy.
«Oral qalasy polıtsııa basqarmasy Abaı polıtsııa bóliminiń qyzmetkerleri qańtardyń 23-inen 24-ine qaraǵan túni bolǵan kisi óltirý qylmysyn ashty. Aldyn ala tergeý barysynda anyqtalǵanyndaı, sol kúni 1966 jáne 1970 jylǵy eki tanys birge araq ishken. Sodan keıin 1966 jylǵy turǵynnyń úıine kelgen. Іshimdik ishý barysynda talas týyndap, aýlaǵa shyǵyp, tóbelesken. Úıdiń ıesi qulap qalǵan kezde 1970 jylǵy er adam oqıǵa ornynan boı tasalaǵan. Aýla bıik qorshaýmen qorshalǵandyqtan, kórshiler eshteńe kórmegen. Sol sebepti múrde aýlada eki kún jatyp qalǵan. 26 qańtar kúni kúdikti polıtsııaǵa ózi kelip, oqıǵanyń qalaı bolǵanyn aıtyp berdi. Oqıǵa ornyn qaraý, dáleldemelerdi jınaý barysynda onyń kisi ólimine qatystylyǵy anyqtaldy. Sóıtip ýaqytsha ustaý ızolıatoryna qamaldy. Qazirgi kezde QR QK 99-baby 1-bóligine (kisi óltirý) sáıkes sotqa deıingi tergeý amaldary jalǵasýda», dep habarlady vedomstvodan.