Oralda «Talısman» dúkeni órtendi
ORAL. QazAqparat – Oral qalasynda «Talısman» dúkeni órtendi, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 24 qazan kúni N.Nazarbaev dańǵyly boıynda boldy.
Dúkenniń órtenip jatqany jóninde saǵat 08.50-de habar túsken.
«Talısmannyń» ishinde jeke zattar janǵan. Aýmaǵy – 25 sharshy metr.
Qala ortalyǵyndaǵy órtti aýyzdyqtaýǵa 15 adam, 4 tehnıka jumyldyryldy.
Órt 09.05-te oqshaýlanyp, 09.25-te sóndirildi. Qazirgi kezde onyń shyǵý sebebi, keltirilgen shyǵyn anyqtalýda.
Eske sala keteıik, budan buryn Batys Qazaqstanda monsha kesheni órtengenin jazǵan bolatynbyz.
