Oralda taksıske shabýyl jasaǵandar sottaldy
ORAL. QazAqparat - Oralda taksıske qaraqshylyq shabýyl jasaǵandar sottaldy, dep habarlaıdy «QazAqparat» tilshisi.
BQO sotynyń baspasóz qyzmetinen túsken málimetke qaraǵanda, Darhan Ábdirahmanov óziniń aýyldas dosy Damır Seıtqalıevpen birge mas kúıinde ózgeniń avtokóligin tartyp alýǵa sóz baılasqan. Sol maqsatpen Pýgachev kóshesi boıynda jolaýshylar tasymaldaýmen aınalysyp júrgen M.Tanıevtiń «Lada Prıora» avtokóligin toqtatqan. Aıtylǵan mekenjaıǵa kelgennen keıin aýlada eshkimniń joqtyǵyn kórgen D.Seıtqalıev avtokóliktiń aldynda otyrǵan M.Tanıevtiń moınynyń oń jaǵynan asúı pyshaǵymen urǵan. Taksıst qashpaqshy bolǵanymen, D.Ábdirahmanov ony kúshpen ustap, D.Seıtqalıevtiń birneshe ret pyshaq jumsaýyna múmkindik bergen. Ústindegi kıimin sheship, M.Tanıev áýpirimdep qashyp qutylady.
Qylmystyq is-áreketin aıaǵyna deıin jetkizý úshin D.Seıtqalıev pen D.Ábdirahmanov M.Tanıevtiń avtokóligimen Zachagan kentine kelgen. M.Tanıevke tıesili 50 myń teńgesi men «Samsýng S-6» uıaly telefonyn jymqyryp, oǵan 350 myń teńge shyǵyn keltirgen. Sodan keıin ekeýi boı tasalaǵan.
Sot otyrysynda D.Seıtqalıev pen D.Ábdirahmanov óz kinálaryn tolyqtaı moıyndady.
Oral qalalyq sotynyń úkimimen atalǵan ekeý QR QK 200-baby 4-bóligi, 188-baby 2-bóligi 1-tarmaǵyna sáıkes aıypty dep tanylyp, QK 58-baby 3-bóligi negizinde árqaısysy alty jylǵa bas bostandyǵynan aıyrý jazasyn qaýipsizdigi orta qylmystyq-atqarý júıesi mekemesinde óteýge sottaldy.
Sot úkimi zańdy kúshine engen joq.
Eske sala keteıik, Oralda taksıske qaraqshylyq shabýyl jasaǵandardyń ustalǵanyn budan buryn jazǵan bolatynbyz.
