Oralda taǵy da avtobýs túıisip, birneshe adam jaraqat aldy
ORAL. QazAqparat - Keshe saǵat 18.00 shamasynda Zachagan kentindegi №20 mektep aýdanynda №7 baǵytpen júretin avtobýs Jáńgir han kóshesi boıynda Opel Frontera avtokóligimen soqtyǵysty, dep habarlaıdy «QazAqparat» tilshisi.
BQO densaýlyq saqtaý basqarmasy basshysynyń orynbasary Nurdanat Berkinǵalıulynyń aıtýynsha, barlyǵy tórt adam medıtsınalyq qyzmetke júgingen. Sonyń ekeýi oblystyq klınıkalyq aýrýhanaǵa jatqyzyldy. Bireýinde jabyq bas-mı jaraqaty bolsa, ekinshisiniń qabyrǵalary synǵan. Qabyrǵalary synǵan adam áýeli jansaqtaý bóliminde dárigerlerdiń baqylaýynda bolyp, búgin bólimshege aýystyryldy.
Eske sala keteıik, budan buryn 24 tamyz kúni saǵat 08.40 shamasynda Jáńgir han kóshesi boıynda, Shaǵan ózeninen ótetin kópirge taman №7 avtobýs №5 avtobýstyń artynan túıip, 75 adam jaraqat alǵan bolatyn.
Jol boıyndaǵy keptelistiń jıileýine jóndeý jumystary da áser etýde. Mysaly, birazdan beri ortasha jóndeý júrgizilip jatqan Jáńgir han kóshesiniń Ázirbaıjan kóshesinen Pýgachev kóshesine deıingi bóligi búgin úsh kúnge jabylyp, Zachagan kentiniń turǵyndary Derkól arqyly qalaǵa qatynaýda.
