Oralda taǵy bir úı órtendi
ORAL. QazAqparat - Búgin saǵat 12.21 shamasynda Qurmanǵazy kóshesi, 13 mekenjaıyndaǵy jeke turǵyn úı órtendi, dep habarlaıdy «QazAqparat» tilshisi.
BQO TJ departamenti órt sóndirý jáne apattyq-qutqarý jumystary qyzmetinen túsken málimetke qaraǵanda, oqıǵa ornyna №2 órt sóndirý bóliminiń qyzmetkerleri men tehnıkasy jedel jetken. Órttiń kórshi úılerge taralý qaýpi tóngendikten, №3 órt sóndirý bóliminen qosymsha kúsh kelgen. Saǵat 13.05-te órttiń beti qaıtyp, 14.38-de tolyqtaı sóndirilgen.
Abyroı bolǵanda, zardap shekkender joq. 100 sharshy metrdi qamtyǵan órtten úıdiń tóbesi, jıhaz ben jeke zattar búlingen.
Órt sóndirýge 5 tehnıka, 16 adam jumyldyryldy.
Qazirgi kezde órttiń shyǵý sebepteri, keltirilgen shyǵyn men kináli adamdar anyqtalýda.
Eske sala keteıik, 3 qazan kúni Oralda turǵyn úıde eki birdeı órt oqıǵasy tirkelgen bolatyn.
