Oralda taǵy bir turǵyn úı órtendi
ORAL. QazAqparat – Oralda taǵy bir turǵyn úı órtendi, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa keshe keshkisin Zachagan kenti 152-atqyshtar dıvızııasy kóshesi 97-mekenjaıynda bolǵan.
Turǵyn úıde órt bolyp jatqany jóninde saǵat 21.14-te habar túsken. Úıdiń tóbesi janyp, órt aýmaǵy 60 sharshy metrdi qamtydy.
Órtti sóndirýge 15 adam, 4 tehnıka jumyldyryldy.
«Tilsiz jaý» 22.14-te oqshaýlanyp, 22.25-te aýyzdyqtaldy.
Zardap shekkender joq.
Qazirgi kezde oqıǵanyń jaı-japsary, órttiń neden shyqqany anyqtalý ústinde.
Eske sala keteıik, budan buryn Oralda bos qalǵan óndiristik ǵımarat otqa oranyp, turǵyn úı órtengenin jazǵan bolatynbyz.
