Oralda taǵy bir qyz joǵalyp ketti
ORAL. QazAqparat - Oralda 25 jasar Aıdana Aqbolatova joǵalyp ketti, dep habarlaıdy QazAqparat tilshisi.
Aıdananyń sińlisi Aıagóz Halıollaevanyń aıtýynsha, apasyn 29 qazan kúni Eýrazııa dańǵyly 89/1 mekenjaıynda ózi turatyn jataqhanadan kórshisi sońǵy ret kórgen.
«Onyń joǵalý sebebin bile almaı otyrmyz. Ózimen birge eshteńe almaǵan, telefon, qujattary úıde qalǵan. Esh habar bolmaǵannan keıin 2 qarasha kúni polıtsııaǵa aryz berdik. Abaı polıtsııa bólimindegiler: «Qyz qalada, biraq týysqandarymen baılanysyn úzgen», dep jaýap berdi. Alaıda Aıdana buryn qaıda júrgenin anasyna, maǵan aıtatyn. Bul joly úıden eshkimge aıtpaı shyǵyp ketti, sodan joq. Aqsaı jaǵyna ketti degen áńgime bar, biraq jeńil aıaqkıimmen onda barmaıdy ǵoı. Sondyqtan derekterin biletin jandar bolsa, 8778-277-71-94 (vatsap) telefonyna habarlasýyn suraımyz», dedi QazAqparat tilshisine A.Halıollaeva.
Eske sala keteıik, budan buryn on toǵyz jasar stýdent Gúldana Turjanovanyń joǵalyp ketkenin jazǵan bolatynbyz.
Abaı polıtsııa bóliminiń tergeýshisi Álisher Ótegenovtiń sózine qaraǵanda, G.Turjanova týraly esh habar joq.
