Oralda taǵy bir kópir qaıta salynady
ORAL. QazAqparat - Oralda munaı bazasy aýdanyndaǵy kópir qaıta salynady, dep habarlaıdy QazAqparat tilshisi.
Qala ákimi Murat Muqaevtyń aıtýynsha, 1 qarashadan bastap atalmysh kópir buzylýǵa jabylady.
Salynǵanyna qyryq jyl bolǵan kópir sodan beri jóndeý kórmegen, apatty jaǵdaıda.
Eski kópirdiń ornyna jańasy turǵyzylyp, onyń eni 20 metrge deıin keńeıtilip, buryn qos jolaqty bolsa, endi tórt jolaqtyǵa aınalady. Kópirdiń uzyndyǵy - 988 metr.
Qala basshysynyń sózine qaraǵanda, kópirdiń jobalaý-smetalyq qujattamasy saraptamadan ótip, oń qorytyndysyn alǵan. «QPO b.v.» kompanııasy qarjysyna salynatyn nysan quny 5 mlrd teńgeden asady. Qurylys merzimi eki jyldan astam ýaqyt bolǵanymen, merdiger mekeme «KA-stroı LTD» JShS ony merziminen buryn aıaqtaýdy kózdep otyr.
«KA-stroı LTD» JShS munyń aldynda Depo kópirin buzyp, qaıta salǵan bolatyn.
«Qurylys jumystary aýmaǵyna úsh úı kirip tur. Qaýipsizdikke baılanysty qurylys kezinde onda adamdar turmaýy kerek. Sondyqtan úsh úı turǵyndarymen túsinik jumystary júrgizildi. Olarǵa qurylys ýaqytynda jalpy aýmaǵy teń, tipti artyq qolaıly páter beriledi. Bosatylǵan úılerdi saqtaý jóninde kelisimshart jasalady. Qala ákimdigine qosa merdiger mekeme de qurylys jumystary kezinde atalǵan úılerge kinárat kelgen jaǵdaıda qalpyna keltirýge kepildik beredi», dedi Murat Muqaev.
Eske sala keteıik, budan buryn qala kúnine oraı Depo kópiri ashylǵanyn jazǵan bolatynbyz.
