Oralda taǵy bir avtobýs avtokólikpen soqtyǵysyp, eki adam jaraqat aldy
ORAL. QazAqparat - Oralda jolaýshylar avtobýsy avtokólikpen soqtyǵysyp, eki adam jaraqat aldy, dep habarlaıdy QazAqparat tilshisi.
Oqıǵa búgin qalaǵa qarasty Derkól aýylynda boldy.
«Pamıatnık» aıaldamasy tusynda №7 baǵytpen júretin avtobýs «Lada Granta» avtokóligimen soqtyǵysqan.
Sonyń saldarynan jeńil kólikte bolǵan eki adam jaraqat aldy.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdem saǵat 14.02-de shaqyrtyldy.
1978 jylǵy áıel men 1999 jylǵy qyz oblystyq kópbeıindi aýrýhanaǵa jetkizildi. Aldyn ala málimet boıynsha olar jabyq bas-mı jaraqatyn alǵan.
Eske sala keteıik, budan buryn Oralda avtokólik jolaýshylar avtobýsymen soqtyǵysyp, eki adamnyń aýrýhanaǵa aýyr jaraqatpen túskenin jazǵan bolatynbyz.
