Oralda taǵy bir apatty turǵyn úı buzylyp jatyr
ORAL. QazAqparat - Oral qalasynda taǵy bir apatty turǵyn úıdi buzý jumystary bastaldy, dep habarlaıdy «QazAqparat» tilshisi.
Qala ákimdiginen túsken málimetke qaraǵanda, qazirgi kezde buzylyp jatqan Ǵ.Qurmanǵalıev kóshesi, 3-úı turǵyndary memlekettik-jekeshelik áriptestik aıasyndaǵy baǵdarlamaǵa qatysyp, jańadan salynǵan kóp qabatty úıge kóshirildi. Apatty mekenniń ornyna «Oral Polımer» JShS jańadan bes qabatty úıdi turǵyzady. Injenerlik jelilerdi tartý jáne abattandyrý jumystary memleket esebinen júrgiziledi.
Oblys ákimi Altaı Kólginovtiń aıtýynsha, óńirde apatty jáne ábden tozǵan úıler sany 200-den asady. Sonyń 43-i - apatty úıler. Sońǵy úsh jylda 7 úı buzylyp, 4 úı jańadan salyndy. Depovskaıa kóshesindegi 90 páterlik alǵashqy úı ótken jyly kúzde paıdalanýǵa berildi. Qalǵan úsh úı qurylysy bıyl márege jetedi.
