Oralda tabys tabamyn degen boıjetken 3,6 mln teńgesinen aıyrylyp qaldy
ORAL. QazAqparat – Oralda tabys tabamyn degen 20 jastaǵy boıjetken 3,6 mln teńgesinen aıyrylyp qaldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, atalǵan turǵyn 4-23 qańtar aralyǵynda «GOLD» ınvestıtsııalyq kompanııasyna osynshama qarjyny aýdaryp jibergen.
Tabys taýyp, qarjy qoryn tolyqtyrmaq túgili, óz aqshasyn qaıtara almaǵan ol 10 aqpan kúni polıtsııaǵa júgindi.
Kúni búgin atalǵan kompanııadan aldanǵan 70 turǵyn aryz jazdy.
Sońǵy kezde óńirde túrli tásildermen júzege asyrylǵan alaıaqtyq derekteri kóbeıip ketti. Aıtalyq, 1979 jylǵy áıel ótken jylǵy qyrkúıekte plastıkalyq tereze ornatyp beremin degen oraldyq 43 jastaǵy turǵynǵa 320 myń teńgesin ustatyp jibergen.
Báıterek aýdanynyń turǵyny ózin bank qyzmetkeri dep tanystyrǵan alaıaqqa aqsha aýdarǵan.
Ǵalamtor arqyly jumystanatyn alaıaqtar da azaımaı tur. 2 aqpan kúni 1985 jylǵy oraldyq áıel ózin jumysqa ornalastyrýǵa kómektesemin degen alaıaqqa 138 myń teńgesin aýdarǵan. Jumysqa ornalastyrý týraly habarlandyrý Instagram áleýmettik jelisinde jarııalanyp, áıel soǵan senip qalǵan.
Barlyq alaıaqtyq derekteri boıynsha QR QK 190-babyna sáıkes sotqa deıingi tergeý amaldary júrgizilýde.
