Oralda tabıǵı gazdan ýlanǵan 6 adam aýrýhanaǵa tústi

ORAL. QazAqparat – Oralda tabıǵı gazdan ýlanǵan 6 adam aýrýhanaǵa jetkizildi, dep habarlaıdy QazAqparat tilshisi.

Oblystyq densaýlyq saqtaý basqarmasynyń baspasóz qyzmeti málim etkenindeı, oqıǵa 31 naýryz kúni tańmen Máskeý kóshesi 43-mekenjaıynda boldy.

Saǵat 09.24-te jedel járdem shaqyrylyp, brıgada 5 mınýttan keıin jetti.

39 jastaǵy áıel 11 jasar qyzy, 5 jasar jáne bir jasqa tolmaǵan uldarymen orta dárejeli tabıǵı gazdan ýlanǵan. Balalar anasymen birge oblystyq kópbeıindi balalar aýrýhanasyna aparyldy.

Sondaı-aq orta dárejeli tabıǵı gazdan ýlanǵan 65 jastaǵy er jáne 64 jastaǵy áıel adam qalalyq kópbeıindi aýrýhanaǵa jetkizildi.

Qazirgi kezde oqıǵanyń jaı-japsary anyqtalý ústinde.