Oralda sút kombınatynyń ǵımaraty órtendi
ORAL. KAZINFORM – Oral qalasynda Sh. Aıtalıev kóshesi boıynda ornalasqan «Bereke» sút kombınaty aýmaǵynda órt shyqty.
BQO TJD baspasóz qyzmetinen málim etkenindeı, eki tsehtyń shatyry janǵan. Onyń birinshisinde daıyn ónimmen birge tońazytqysh jabdyqtary ornalasqan, ekinshisi balmuzdaq óndirýge arnalǵan.
Aldyn ala málimet boıynsha órttiń aýmaǵy – shamamen 3 myń sharshy metr.
– Qazirgi kezde qutqarýshylar joǵary rangimen jumys istep jatyr. Órt sóndirý oqpandary iske qosylǵan. Zardap shekkender týraly aqparat túsken joq, - dep habarlady vedomstvodan.
Órtenip jatqan ǵımarattyń tútini alystan kórinip tur.
Turǵyndardyń sózine qaraǵanda, osyǵan baılanysty tynys alý qıyndap ketti.
TJD kúshteri órtti saǵat 16.38-de oqshaýlady.
Eske sala keteıik, budan buryn BQO-da jóndelip jatqan mektep-lıtseı ınternaty órtengenin jazǵan bolatynbyz.