Oralda sýǵa ketken saıajaı aýmaqtaryn dezınfektsııalaý jumystary júrgizilip jatyr

ORAL. KAZINFORM –  Oral qalasynda sýǵa ketken saıajaı aýmaqtaryn dezınfektsııalaý jumystary júrgizilip jatyr.

Oral qalasy ákimdiginen málim etkenindeı, keshe bastalǵan dezınfektsııalaý jumystaryna shahardyń tótenshe jaǵdaılar basqarmasy jáne Aqtóbe qalasyndaǵy QR TJM radıatsııalyq, hımııalyq jáne bıologııalyq qorǵaý 20982-áskerı bóliminiń qyzmetkerleri jumyldyrylǵan.

«Kúni búgin qalaǵa qarasty Derkól kenti aýmaǵyndaǵy saıajaılar zararsyzdandyrylyp jatyr. Keshe 10 myń sharshy metr aýmaq dezınfektsııalanǵan. Mamandar mundaı jumysty sýǵa ketken saıajaılarda kezekpen júrgizetin bolady. Sonymen qatar saıajaılar ýchaskelerinde sý sorý jumystary jalǵasyp jatyr», - dep habarlady vedomstvodan.

Eske sala keteıik, budan buryn Oral qalasynda 350-den astam saıajaı úıi turýǵa jaramsyz ekendigin jazǵan bolatynbyz.