Oralda sýǵa batyp bara jatqan jeti jasar qyz qutqaryldy
ORAL. QazAqparat - №1 qutqarý beketiniń qyzmetkerleri 7 shilde kúni qalalyq saıabaq aýdanynda ata-anasynyń qaraýynsyz shomylyp júrgen 2010 jylǵy qyzdy sýǵa ketýden aman alyp qaldy, dep habarlaıdy «QazAqparat» tilshisi.
BQO TJ departamenti baspasóz qyzmetiniń ókili Nurgúl Muqanovanyń habarlaǵanyndaı, qazirgi kezde qyzdyń jaǵdaıy qalypty.
Jedel qutqarý jasaǵy sýǵa shomylý maýsymy bastalǵannan beri osymen on adamdy qutqardy.
Eske sala keteıik, 6 shilde kúni Jánibek aýdanynan oblys ortalyǵyna oqýǵa túsýge kelgen 1999 jylǵy qyz Oraldaǵy «Svetlıachok» týrbazasy aýdanynda Derkól ózenine batyp ketken bolatyn. Oblysta 2015 jyly - 29 (13-i - balalar), ótken jyly 20 adam (9-y - balalar) sýǵa ketti.
