Oralda sýǵa batyp bara jatqan 5 jasar qyz qutqaryldy
ORAL. QazAqparat - Oralda sýǵa batyp bara jatqan bes jasar qyz bala qutqaryldy, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa búgin «Órt qaýpi kezeńi jáne sýdaǵy qaýipsizdik» atty reıdtik shara kezinde oryn alǵan.
Jelaev kentindegi jasandy sý qoımasynda Oral qalasy TJ basqarmasynyń qyzmetkeri, azamattyq qorǵaý aǵa leıtenanty Baqtııar Katchekov saǵat 12.20-da 2014 jyly týǵan N.Ǵubaevany qutqardy. Ata-anasynyń qaraýynsyz qalǵan qyz bala sýǵa qulap ketken.
Qutqarylǵan búldirshinge alǵashqy járdem kórsetildi. Medıtsınalyq kómekti qajetsinbedi.
«Biz búgin tabıǵat aıasyna demalýǵa barǵanbyz. Balalar ózende shomylyp júrdi. Men ájethanaǵa ketip edim. Dál sol sátte qyzym sýǵa bata bastady. Baqytymyzǵa oraı, reıdtik shara ótip jatyr eken, soǵan qatysyp júrgen Baqtııar Katchekov qyzymdy sýdan alyp shyqty. Perzentimdi qutqarǵany úshin oǵan myń alǵys», - deıdi qyzdyń anasy A.Ǵubaeva.
Eske sala keteıik, buǵan deıin Oralda bozbala sýǵa ketken bolatyn. Birneshe kúnnen beri óńirde aptap ystyq, temperatýra tili tús áletinde 35 gradýsty kórsetip turdy.
