Oralda sýǵa batyp ketken alty jasar bala aýrýhanada kóz jumdy
ORAL. KAZINFORM — Oralda sýǵa batyp ketken alty jasar balanyń qalaı qaza tapqany belgili boldy.
Kýágerlerdiń sózine qaraǵanda, oqıǵa 25 shilde kúni «Arna» demalys bazasynda boldy.
Sýǵa batyp ketken alty jasar ul balany qutqarýshy alyp shyqqan. Jedel járdem kelgenge deıin mamannyń kómegimen jansaqtaý sharalary júrgizilgen.
Oral qalalyq kópbeıindi aýrýhana dırektorynyń orynbasary Dııas Jaılaýbaıulynyń naqtylaýynsha, bala óte aýyr jaǵdaıda, ІІ-ІІІ satydaǵy komada túsken. Ottegi mólsheri (satýratsııa) 0 paıyz bolǵan. Qan qysymy aıqyndalmady, tynysy álsiz boldy, ókpesi sýǵa tolyp ketken.
Dárigerler jansaqtaý is-sharalaryn júrgizip, balany jasandy tynys alý apparatyna qosqanyna qaramastan, oń dınamıkaǵa qol jetkizilmedi. Bala kelesi kúni tańda kóz jumdy.
Qazirgi kezde oqıǵanyń tolyq mán-jaıy anyqtalyp jatyr.
Eske salaıyq, budan buryn Batys Qazaqstanda úsh jasóspirimniń sýǵa ketip qalǵanyn jazǵan edik.
