Oralda sý tasqynynan zardap shekken turǵyndarǵa arnalyp salynǵan turǵyn úı kesheniniń, mektep jáne balabaqshanyń ashylý saltanaty boldy

dep habarlady «QazMunaıGaz» UK AQ baspasóz qyzmetinen.

Іs-sharaǵa Batys Qazaqstan oblysynyń ákimi Baqtyqoja Іzmuhambetov, «QazMunaıGaz» UK AQ Basqarma tóraǵasy Bolat Aqsholaqov, «Qazaqstan temir joly» UK» AQ vıtse-prezıdenti Ashat Akchýrın, Májilis depýtattary Qabıbolla Jaqypov, Shafhat Ótemisov, Elena Tarasenko jáne Senat depýtattary Májıt Ahmetov pen Erbolat Muqaı qatysty.

«Tabıǵı apat saldarynan Oral qalasy men oblys turǵyndary aıtarlyqtaı zardap shekti. Osyndaı qıyn sátte kóptegen kompanııalar men kásiporyndardyń, memlekettik uıymdardyń ujymdary bir kisideı jumylyp, kómek kórsetti. Zardap shegip, úılerinen aıyrylǵan aımaq turǵyndaryna «QazMunaıGaz» kompanııalar toby da qarjylaı qoldaý kórsetip, óz úlesin qosty», - dedi «QazMunaıGaz» UK AQ Basqarma tóraǵasy Bolat Aqsholaqov óz sózinde.

Joıqyn sý tasqyny saldaryn joıý úshin «QazMunaıGaz» kompanııalar toby 3,9 mlrd. teńge aýdardy. Budan basqa kompanııa qyzmetkerleri óz erikterimen 30 mln. teńgeden astam qarajat jiberdi.

Batys Qazaqstan oblysy ákimdigimen jasalǵan Memorandýmǵa sáıkes, QMG UK demeýshilik qarjysyna Oral qalasynyń 5-shi shaǵyn aýdanynda 90 páterli 3 úı, Batys Qazaqstan oblysynyń Zelenov aýdanynda 106 turǵyn úı, Tasqala aýdanynda 72 turǵyn úı salyndy.

B.Aqsholaqov qalalyq jáne oblystyq ákimdiktiń, qurylys uıymdarynyń qyzmetkerlerine olardyń eńbekteri úshin alǵys aıtty. Ol asa mańyzdy áleýmettik nysandardyń osyndaı qysqa merzimde salynyp bitýi jáne qalpyna keltirý jumystarynyń aıaqtalýy jumylyp istegen istiń nátıjesi ekendigin basa aıtty.