Oralda sý basý qaýpine baılanysty saıajaı turǵyndary evakýatsııalandy

ORAL. QazAqparat – Oralda sý basý qaýpine baılanysty Mashtakov aýylynan turǵyndar kóshirildi, dep habarlaıdy QazAqparat tilshisi.

BQO TJ departamentiniń baspasóz qyzmetinen málim etkenindeı, 14 naýryz kúni saǵat 20.00-de Mashtakov aýylyna kireberiste jergilikti mańyzy bar topyraqty joldy sý shaıyp ketti.

«Sonyń saldarynan Mashtakov aýylyna qaýip tóndi. 70-80 turǵyn óz erikterimen jaqyn-jýyqtaryna ornalasty. Qalǵandary Derkól kentindegi mádenıet úıine evakýatsııalandy. Halyqty kóshirý úshin «Ýralavtotrans» JShS avtoparkinen bir avtobýs shyǵaryldy. Sondaı-aq TJ kúshterinen 76 adam, 9 tehnıka, jergilikti atqarýshy organnan 3 avtobýs, ekskavator, 3 «KamAZ», Oral qalasy polıtsııa basqarmasynan 6 tehnıka, 15 adam jumyldyryldy», dep habarlady vedomstvodan.

Eske sala keteıik, budan buryn Batys Qazaqstanda aýylǵa sý kirip, 44 adam evakýatsııalanǵanyn jazǵan bolatynbyz.

Sondaı-aq BQO-da respýblıkalyq joldy sý shaıyp ketti.

BQO-da sý shaıyp ketýine baılanysty taǵy bir respýblıkalyq jol jabyldy.

Batys Qazaqstannyń Báıterek aýdanynda tótenshe jaǵdaı jarııalandy.

Aqsaı qalasynda úılerge sý kirip, 13 adam evakýatsııalandy.