Oralda stıhııalyq qoqys alańynda munaı kompanııasynyń qujattary shashylyp jatyr
ORAL. KAZINFORM — Oral qalasynda stıhııalyq qoqys úıindisiniń paıda bolǵany jóninde áleýmettik jelide beınejazba jarııalandy.
Qala turǵyny málim etkenindeı, Batys Qazaqstan oblysyndaǵy iri munaı kompanııalarynyń qujattary stıhııalyq qoqys alańynda shashylyp jatyr.
- Bul qalaı bolǵany? Mundaı qujattardy joıyp jiberýdiń ornyna qoqys alańyna laqtyryp tastaǵan. Onda adamdardyń jeke derekteri de bar. Merdiger mekemeniń kinási bolsa da, kompanııalar óz qujattaryn joıyp jiberýdi aıaǵyna deıin baqylaý kerek edi. Qoqys alańy sý qorǵaý aýmaǵynda, №43 baǵytta júretin avtobýstyń sońǵy aıaldamasynda ornalasqan, - deıdi turǵyn.
Osyǵan oraı Kazinform tilshisi tıisti mekemelerge arnaıy saýal joldaǵan edi.
Oral qalasy ákiminiń orynbasary Jandos Dúısenǵalıevtiń aıtýynsha, atalmysh derek jóninde «QPO b.v.» kompanııasy habardar etildi. Máseleniń mán-jaıy anyqtalý ústinde.
- Qazirgi ýaqytta aqaýlarǵa baılanysty beınebaqylaý kamerasy jumys istemeı tur. Atalǵan aýmaqta stıhııalyq qoqys oryndary anyqtaldy. Qoqys tókken tulǵalardy anyqtap, olardy zańnamaǵa sáıkes jaýapkershilikke tartý maqsatynda tıisti sharalar qabyldanady, - delingen qala ákimdiginen kelgen resmı jaýapta.
BQO boıynsha ekologııa departamentiniń basshysy Murat Ermekqalıevtiń naqtylaýynsha, qoqysty ruqsat etilmegen jerge tastaý – zań buzýshylyq.
- Kúni búgin bul máselemen polıtsııa aınalysyp jatyr. Kináli tulǵany tapsa, shara qoldanamyz. Tabylmasa, qalada júrgizilip jatqan tazalyq aılyǵy aıasynda qoqysty jınaý jumystary júrgiziledi, - dedi M.Ermekqalıev.
Eske sala keteıik, budan buryn BQO-da ruqsat etilmegen 110-nan astam qoqys úıindisi tirkelgenin jazǵan edik.
Sondaı-aq BQO-da Jaıyq ózenindegi sýdyń túsi nege ózgergeni jóninde ekologııa departamenti jaýap berdi.
