Oralda Sport kúnine arnalǵan voleıboldan jarys márege jetti
ASTANA. QazAqparat - Oralǵa qarasty Derkól kentindegi «Oral» dene shynyqtyrý-saýyqtyrý kesheninde Sport kúnine arnalǵan ardagerler arasynda voleıboldan jarys márege jetti, dep habarlaıdy «QazAqparat» tilshisi.
Jarystyń bas tóreshisi Esbol Tursynbaevtyń aıtýynsha, «Oral» sport klýbynyń ashyq týrnırine barlyǵy segiz komanda qatysyp, jasy qyryqtan asqan oıynshylar alańǵa shyqty.
Týrnır qorytyndysynda «Tennıs korty» komandasy jeńimpaz atandy. «Terekti» komandasy ekinshi, «Oral» klýby úshinshi orynǵa ıe boldy. Sonymen qatar úzdik oıynshylar da marapattaldy. Mysaly, Andreı Kıselev («Tennıs korty») úzdik oıynshy atansa, Bolat Badashev («Terekti») «Úzdik baılanystyrýshy» atalymyn enshiledi.
Jeńimpaz-júldegerlerge kýboktar, dıplomdar tabys etildi.
Jarys aldaǵy ýaqytta dástúrli túrde ótip turmaq.
