Oralda sottalǵan ekeý temir tordyń ar jaǵynda otyryp, zeınetkerdiń 100 myń teńgesin qoldy etti
ORAL. 2 sáýir. QazAqparat - 30 naýryz kúni Oral qalasy ІІB-niń jedel izdestirý bólimi telefon alaıaqtyǵy faktisi boıynsha qylmystyq isti izin sýytpaı ashty.
Oblystyq ishki ister departamentiniń baspasóz qyzmetinen habarlaǵanyndaı, sol kúni saǵat 11.30-da belgisiz bireýler ózderin telefonmen polıtsııa qyzmetkerlerimiz dep tanystyryp, aldaý arqyly 75 jastaǵy zeınetkerdiń 100 myń teńge kóleminde aqshasyn qoldy qylǵan. Alaıaqtardyń búgingi tańda bas bostandyǵynan aıyrý ornynda jazasyn ótep jatqan Aqsaı qalasynyń 25 jastaǵy jáne Oral qalasynyń 22 jastaǵy turǵyndary ekendigi belgili boldy. Jazasyn óteýshi «qarap jatpaı», zeınetkerge telefon shalyp, onyń ulyn polıtsııa qyzmetkerleri ustap aldy dep, zeınetkerge aqshalaı syıaqyǵa «kómektespekshi» bolady. Al zeınetkerden aqshany alýǵa onyń sybaılasy keledi. Osy tusta sybaılasyn polıtsııa qyzmetkerleri quryqtaıdy.
Qazirgi kezde eki birdeı alaıaqtyń oblys kólemindegi basqa da telefon alaıaqtyǵy faktisi boıynsha qylmysqa qatystylyǵy tekserilýde.
