Oralda sorǵy stansasynda qubyr jarylyp, eki jumysshy káriz sýyna batyp ketti
BQO densaýlyq saqtaý basqarmasynyń baspasóz qyzmetinen málim etkenindeı, oqıǵa búgin Isataı-Mahambet kóshesindegi 2-kárizdik sorǵy stansasynda boldy.
«Jedel járdem saǵat 11.11-de shaqyryldy. Kárizdik sorǵy stansasyndaǵy jóndeý jumystary kezinde shahtada qubyr jarylǵan. Sonyń saldarynan «Batys sý arnasy» JShS-nyń 1971 jáne 1982 jylǵy jumysshylary oqıǵa ornynda kóz jumdy», - dep habarlady vedomstvodan.
Oral qalasy ákiminiń baspasóz qyzmeti bolǵan oqıǵany rastap, qazirgi kezde tıisti organdardyń jumystanyp, qaıǵyly jaǵdaıdyń mán-jaıy anyqtalyp jatqanyn jetkizdi.
Qazirgi kezde 2-kárizdik sorǵy stansasyndaǵy apat saldarynan Oral qalasynyń ortalyq bóliginde jáne Zachagan kentinde sý joq. Qalpyna keltirý jumystary júrgizilýde.
Eske sala keteıik, budan buryn BQO-da bir kúnde jol apatynan úsh adamnyń aýrýhanaǵa túskenin jazǵan bolatynbyz.