Oralda sońǵy tórt kúnde 600-ge jýyq adamnan koronavırýs anyqtaldy
BQO sanıtarlyq-epıdemıologııalyq baqylaý departamenti málim etkenindeı, 18-21 sáýir aralyǵynda oblysta 858 naýqas tirkelse, sonyń 576-synda aýrý belgileri bar, 282-sinde sımptomsyz ótýde.
Sonyń ishinde 597-si Oral qalasy, 116-sy Bórli, 50-i Báıterek, 26-sy Shyńǵyrlaý, 24-i Terekti aýdandarynyń úlesine tıedi.
Tórt táýlik ishinde 473 adamnan JRVI belgilerimen, 196-synan buryn aýyrǵandarmen qarym-qatynasta bolǵandyqtan, tekserilgende, 173-inen profılaktıkalyq maqsatta qaralǵanda, 16-synan statsıonarǵa jatqyzar aldynda synama alynǵanda, anyqtalǵan.
Oblys boıynsha 18 sáýirde 205, 19-ynda 237, 20-synda 231, 21-inde 185 adamnan koronavırýs tabyldy.
Іndet bastalǵannan beri óńirde barlyǵy 17923 adam syrqattansa, sonyń 14189-y jazylyp shyqty. 268 adam kóz jumdy.
Barlyq aýyrǵandardyń 10349-y Oralda, 1940-y Bórli, 1847-si Báıterek, 729-y Terekti, 618-i Aqjaıyq aýdandarynda tirkelgen.
Eske sala keteıik, BQO-da koronavırýsqa shaldyqqandar 11 ınfektsııalyq statsıonarda em qabyldap jatyr.
