Oralda sońǵy tórt kúnde 235 adamnyń koronavırýs juqtyrǵany tirkeldi
ORAL. QazAqparat – Oral qalasynda sońǵy tórt kúnde 235 adamnyń koronavırýs juqtyrǵany tirkeldi, dep habarlaıdy QazAqparat tilshisi.
BQO sanıtarlyq-epıdemıologııalyq baqylaý departamenti málim etkenindeı, indet sondaı-aq Bórli, Báıterek aýdandarynda órship tur.
Atap aıtqanda, 4-7 sáýir aralyǵynda Bórlide 81, Báıterekte 41 adamnyń dertke shaldyqqany anyqtaldy. Sol sekildi Shyńǵyrlaýda 19, Terektide 15, Qaztalovta 15, Tasqalada 10 adamnyń syrqattanǵany belgili boldy.
Oblysta sońǵy tórt kúnde 429 adam tirkelse, sonyń 243-i JRVI belgilerimen qaralǵanda, 99-y buryn aýyrǵandarmen qarym-qatynasta bolǵannan keıin, 83-i profılaktıkalyq maqsatta, tórteýi statsıonarǵa jatqyzar aldynda tekserilgende anyqtaldy.
Іndet bastalǵannan beri óńirde aýyrǵandar sany 15900-ge jetse, sonyń 12763-i jazylyp shyqty. 249 adam kóz jumdy.
Eske sala keteıik, budan buryn Batys Qazaqstanda karantındik talap kúsheıtilip, halyq qozǵalysy shekteletinin jazǵan bolatynbyz.
BQO bas memlekettik sanıtar dárigeriniń jańa qaýlysy 9 sáýirden bastap kúshine enedi.
