Oralda soǵys ardageriniń orden-medaldary qoldy boldy
ORAL. QazAqparat – Oralda soǵys ardageriniń orden-medaldary qoldy boldy, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekovtiń aıtýynsha, oqıǵa 15 mamyr kúni oryn aldy.
Saǵat 12.30 ben 14.30 aralyǵynda 1960 jylǵy K. degen zeınetker áıeldiń úıine belgisiz bireýler esiktiń qulpyn buzyp kirgen.
Urylar jábirlenýshiniń altyn buıymdarymen qosa Berlınge deıin jetken marqum ákesiniń marapatyn da jymqyryp ketken. Atap aıtqanda, «Qyzyl Juldyz» ordeni, «Erligi úshin», «Jaýyngerlik eńbegi úshin», «Kenıgsbergti alǵany úshin», «Germanııany jeńgeni úshin», «Eńbekte úzdik shyqqany úshin», «Eńbektegi erligi úshin» medaldary, «Halyq aǵartý isiniń úzdigi» tósbelgisi qoldy bolǵan.
Zeınetker ákesiniń marapattaryn kóziniń qarashyǵyndaı saqtap kelgen.
Barlyq kelgen shyǵyn shamamen 800 myń teńgeni qurady.
«Qazirgi kezde QR QK 188-babyna sáıkes Abaı polıtsııa bólimi tergeý amaldaryn júrgizýde», dedi QazAqparat tilshisine B.Belgibekov.
Eske sala keteıik, budan buryn BQO-da áıeline álimjettik jasaǵan polıtseıdiń qyzmetinen qýylǵanyn jazǵan bolatynbyz.
