Oralda soǵys jyldaryndaǵy áskerı tehnıkalar, jádigerler men fotosýretter kórmesi ótti
ASTANA.KAZINFORM — Oral qalasyndaǵy Qazaqstannyń ınnovatsııalyq jáne telekomýnıkatsııalyq júıeler ýnıversıtetinde Uly Jeńistiń 80 jyldyǵyna oraı «Jeńistiń rýhy bıik, dańqy máńgi» atty saltanatty shara ótti.
Sharada Uly Jeńistiń 80 jyldyǵyna oraı Uly Otan soǵysy kezindegi áskerı tehnıka, sol kezeńdegi jádigerler men fotosýretter qamtylǵan kórme uıymdastyryldy. Kelýshilerge soǵys tarıhy men jeńis jolyndaǵy batyrlarymyzdyń erlikteri týraly aqparat beriledi.
Sharada Qazaqstannyń ınnovatsııalyq jáne telekommýnıkatsııalyq júıeler ýnıversıtetiniń quryltaıshysy A.Áıtimov, «Generaldar keńesi» Prezıdıýmynyń tóraǵasy, general-leıtenant B.Sarsekov, BQO qoǵamdyq damý basqarmasy basshysynyń orynbasary G. Shýkeeva, «Eren eńbegi úshin» medalinin ıegeri, BQO Aqsaqaldar keńesiniń múshesi, Oral qalalyq ardagerler keńesiniń tóraǵasy M.Ánesov, Qazaqstannyń ınnovatsııalyq jáne telekommýnıkatsııalyq júıeler ýnıversıtetiniń rektory, oblystyq máslıhat depýtaty Á.Baıahov sóz sóılep, Uly Jeńistiń mańyzy, soǵys ardagerleriniń erligi jáne búgingi urpaqtyń mindetteri týraly oılaryn ortaǵa saldy.
Shara barysynda ónerpazdar Uly Otan soǵysyna arnalǵan áskerı – patrıottyq kompozıtsııalardy oryndap, qoıan – qoltyq urys qımyldary men tásilderinen kórinis kórsetti.
Sharanyń sońynda barlyq qatysýshylarǵa soldat kashasy usynylady.
Aıta keteıik, Jeńis paradyna qatysýshylardyń otbasylary áskerılerge tosynsyı jasady.