Oralda «Smart Uralsk» qyzmet kórsetý ortalyǵy ashyldy
ORAL. QazAqparat - Búgin Oralda «Smart Uralsk» qyzmet kórsetý ortalyǵy ashyldy, dep habarlaıdy «QazAqparat» tilshisi.
Onyń ashylý rásimine qatysqan oblys ákimi Altaı Kólginov bul jumystyń Elbasynyń tsıfrlandyrý jónindegi tapsyrmasyna sáıkes jasalyp otyrǵanyn jetkizdi.
Ákimniń aıtýynsha, basty maqsat - memleket tarapynan turǵyndarǵa kórsetiletin barlyq qyzmettiń sapasyn arttyrý, kásipkerlik salasynda ákimshilik kedergilerdi joıý. Munda kelýshilerge «Bir tereze» qaǵıdaty boıynsha qyzmet kórsetiledi. ıAǵnı osynda halyqqa jáne kásipkerlerge qyzmet kórsetý ortalyǵy jumys jasaıdy. Búgin túske deıin-aq 500-den astam azamatqa qyzmet kórsetilgen.
«Jańadan ashylǵan qyzmet kórsetý ortalyǵynda quqyq qorǵaý organdary, Ulttyq kásipkerler palatasy, «Qazaqınvest» UK, jergilikti atqarýshy organdar jáne basqa salalardyń ókilderi otyratyn bolady. Mysaly, buryn kásipker ruqsat qaǵazyn alý úshin 14 mekemege baryp, árqaısysyna bes kúnnen ýaqyt joǵaltatyn. Ásirese, azamattar jer telimine baılanysty kóp keledi. Endi aldaǵy jyldan bastap osy qyzmetterdiń bári elektrondy túrde kórsetiledi. ıAǵnı adamdar sol mekemelerge baryp júrmeıdi, barlyq jumys bes-aq kúnniń ishinde bitedi. Qyzmet kórsetý merzimi 14 esege qysqarady», - dedi óńir basshysy.
