Oralda skýter jedel járdem kóligine soǵylyp, júrgizýshisi aýrýhanaǵa jetkizildi

ORAL. KAZINFORM — Oral qalasynda Muhıt pen A.Karev kósheleleriniń qıylysynda jol-kólik oqıǵasy boldy.

BQO polıtsııa departamentiniń baspasóz qyzmetinen málim etkenindeı, oqıǵa 28 shilde kúni keshkisin boldy.

«Júrgizýshi markasy anyqtalmaǵan, memlekettik nómiri joq skýtermen kele jatyp, Hyundai jedel járdem kóligimen soqtyǵysýǵa jol bergen. Jol apaty saldarynan skýter júrgizýshisi túrli jaraqatpen aýrýhanaǵa jetkizildi. Qazirgi kezde oqıǵanyń jaı-japsary anyqtalyp jatyr», dep habarlady vedomstvodan.

BQO densaýlyq saqtaý basqarmasy baspasóz qyzmetiniń naqtylaýynsha, shaqyrtý saǵat 19.35-te túsken. Oqıǵa ornynan 2005, 1995 jáne 2001 jylǵy jigitter jedel járdem brıgadasymen oblystyq kópbeıindi aýrýhanaǵa jetkizildi. 2005 jylǵy jigit aýrýhananyń hırýrgııa bólimshesine jatqyzyldy. 1995 jylǵy er adamǵa ambýlatorııalyq em taǵaıyndalyp, úıine jiberildi. 2001 jylǵy jigit aýrýhanaǵa jatýdan bas tartty, ol da ambýlatorlyq em alatyn bolady.

BQO polıtsııa departamentiniń 25 shildedegi málimeti boıynsha oblysta elektrli skýter jáne mopedterdiń qatysýymen 90 jol-kólik oqıǵasy tirkelip, sonyń saldarynan 2 adam qaza tapty. 64 adam dene jaraqatyn aldy.

Eske sala keteıik, budan buryn Oral qalasynda jol apatynan eki adamnyń kóz jumǵanyn jazǵan bolatynbyz.