Oralda Shyńǵyrlaý aýdany mýzeıleriniń kórmesi ashyldy
ORAL. 8 tamyz. QazAqparat - Oblystyq tarıhı-ólketaný mýzeıinde «Mýzeıler - halyq qazynasy» jobasy aıasynda Shyńǵyrlaý aýdanynyń kórmesi ashyldy.
Kórmege Shyńǵyrlaý óńirinen syr shertetin 100-ge tarta jádiger qoıyldy. Olardyń ishindegi IX-X ǵasyrlarǵa tıesili kóne jádigerler kópshilik nazaryn aýdarady.
Joba Aq Jaıyq óńirinde jumys jasap jatqan memlekettik jáne qoǵamdyq mýzeılerdiń rólin kóterý, mýzeı salasynda tájirıbe almasýdyń jańa túrlerin qarastyrý jáne ólkege, belgili bir tulǵaǵa qatysty tarıhı taqyryptardy zerdeleýge jastardy tartý maqsatynda uıymdastyrylýda.
Sharaǵa oblystyq mádenıet basqarmasynyń bastyǵy Aıdar Batyrhanov, Shyńǵyrlaý aýdanynyń ákimi Aldııar Halelov, aýdannyń qurmetti azamattary qatysty. Kórmeni tamashalaý 30 tamyzǵa deıin jalǵaspaq.
