Oralda sheteldik kólikterdi tirkeýge baılanysty HQKO-nyń qyzmet kórsetý ýaqyty ózgerdi
«Azamattarǵa arnalǵan úkimet» memlekettik korporatsııasy BQO fılıalynyń baspasóz qyzmetinen málim etkenindeı, endi mamandandyrylǵan bólim dúısenbi-senbi kúnderi saǵat 09.00-20.00 aralyǵynda jumys isteıdi.
Sonyń ishinde qujattardy qabyldaý ýaqyty – 18.00-ge deıin. Ýaqytsha jumys kestesi 6 aqpanǵa deıin belgilendi.
«Qazirgi ýaqytta sheteldik avtokólikterdi tirkeýge ótinishti mamandandyrylǵan bólimge barmaı-aq, qalalyq jáne aýdandyq HQO bólimderi, sondaı-aq eGov portaly, egov mobile, halyq homebank qosymshalary arqyly berýge bolady. Keshe mamandandyrylǵan bólim arqyly 151 adam ótinish tapsyrdy. Sonyń 32-si ekinshi kezeńnen (krımınalısterden) ótti. 11 adam memlekettik nómir alyp ketti. Shetelde tirkelgen avtokólikterdi zańdastyrý jumysy odan ári jalǵasýda», dep habarlady vedomstvodan.
Foto – «Azamattarǵa arnalǵan úkimet» MK BQO fılıaly