Oralda sheteldik dramatýrgtyń týyndysy sahnalandy
ORAL. QazAqparat – H.Bókeeva atyndaǵy oblystyq qazaq drama teatrynda polıak jazýshysy Slavomır Mrojektiń týyndysy boıynsha «Men» spektakliniń premerasy boldy, dep habarlaıdy QazAqparat tilshisi.
Atalmysh týyndy Qazaqstanda qazaq tilinde alǵash ret sahnalandy.
Spektakldi Nıý-Iork qalasynda ótken halyqaralyq teatrlar festıvaliniń laýreaty, óz elimizdegi basqa da baıqaýlarda júlde alǵan Ǵ.Músirepov atyndaǵy Qazaq memlekettik akademııalyq balalar men jasóspirimder teatrynyń rejısseri, akter Danııar Bazarqulov qoıdy.
Dramatýrgtiń atalmysh shyǵarmasy «Shekaradaǵy úı» («Dom v granıtse») dep atalady. Onyń ataýy qoıylymǵa daıyndyq barysynda «Men» bolyp ózgertilgen. Pesany qazaq tiline mádenıet salasynyń qaıratkeri, osy teatrdy kóp jyl basqarǵan Qujyrǵalı Tóleýishev aýdardy.
Sonymen qatar tanymal sýretshi-stsenograf, halyqaralyq syılyqtardyń laýreaty Tamara Ohıkıan Grýzııadan arnaıy kelip, eńbektendi.
Basty rólderde Qazaqstannyń eńbek sińirgen qaıratkeri Erbol Esendosov, mádenıet salasynyń úzdigi Temirjan Mataev, Elmıra Maqasheva, Toǵjan Ǵabdýlovalar oınady.
Absýrd janrynda qurylǵan spektaklge shekaradaǵy adamdardyń taǵdyry arqaý bolǵan. ıAǵnı ár adamnyń óz «Meni» bar. Ol qandaı ózgeristerge túsedi, shekaradan asyp kete ala ma, álde qurdymǵa kete me, mine, kórermen osy saýaldarǵa jaýap izdeıdi.
«Bul shekaradaǵy úıdiń bólingeni týraly emes, adam sanasyndaǵy shekara. Shekaramen shekteıtin adamnyń ózi. Jáne de shekaradan shyǵýǵa bolatyn, shyqpaý kerek mezetter bolady. Munda bir ǵana otbasy emes, ulttyń taǵdyry, álemniń taǵdyry bar deýge bolady. Jappaı kóship-qoný, adamdardyń qaıda bara jatqany belgisiz. Bul qoıylymda saıasat ta bar, dıplomattardyń adam ómiriniń shekarasyn buzyp ótip kirýi shekten tys áreket qoı, ol shekarany buzýǵa bolmaıdy. Eń bastysy, sanaǵa silkinis kerek. Maqsatymyz – kórermenderdiń sanasynda silkinis jasaý. Árkim óziniń nemese basqa bireýdiń taǵdyryn kórip, sodan qorytyndy shyǵarsa, jaqsylyqqa qaraı qadam jasap, oıyn, ómirin ózgertse degen oı», dedi qoıylym rejısseri Danııar Bazarqulov.
Bul – H.Bókeeva atyndaǵy teatrdaǵy osy maýsymdaǵy ekinshi premera.
Eske sala keteıik, budan buryn Sırııadan qaıtarylǵan qazaqstandyqtar týraly «Jýsan» spektakliniń premerasy ótkenin jazǵan bolatynbyz.
