Oralda sheteldik azamat tórt birdeı fırmanyń kassırin aldap, aqshasyn alyp ketken
ORAL. QazAqparat - Oral qalasynda bir aıdyń ishinde tórt birdeı fırmanyń kassırin aldap, barlyǵy 700 myń teńgege jýyq aqshasyn jymqyryp ketken 1975 jylǵy sheteldik azamat ustaldy, dep habarlaıdy «QazAqparat» tilshisi.
Oral qalalyq ishki ister basqarmasy bastyǵynyń birinshi orynbasary Nurlan Bısenovtiń aıtýynsha, atalmysh azamat ózin sheteldik kásipker retinde tanystyryp, fırmalarǵa kirip, taýar satyp alýǵa ýádelesken bolyp, kassırlerdi aldaǵan. ıAǵnı olardy áńgimege aınaldyryp, Qazaqstannyń iri aqshalaryn kollektsııalaıtyn edim dep, seıften alyp, kórsetýdi usynǵan. Sosyn aqshany ustap turyp, ámııanymen kólegeılep, belgili bir bóligin qaltasyna basyp otyrǵan.
Qazirgi kezde ózin Iran eliniń azamatymyn dep otyrǵan sheteldik turǵynǵa qatysty QR QK 190-babyna sáıkes (alaıaqtyq) qylmystyq is qozǵalyp, tergeý amaldary júrgizilýde. Onyń qarmaǵyna túskenderdiń sany budan da kóp bolýy yqtımal.
Eske sala keteıik, óńirde alaıaqtyq kóbeıip otyr. BQO prokýratýrasynyń baspasóz qyzmetinen túsken málimetke qaraǵanda, tek ótken aptada oblysta toǵyz birdeı alaıaqtyq deregi tirkelgen bolatyn.
